Myslim Murrizi dhe Rudina Hajdari, dy deputetët e dalë nga radhët e Partisë Demokratike të cilët nuk pranuan të dorëzonin mandatet shkurtin e kaluar, nuk janë propozuar nga demokratët si deputetë në zgjedhjet e ardhshme parlamentare.
Hajdari dhe Murrizi nuk propozohen nga të djathtët në Laprakë dhe Lushnje, shkruan “abcnews.al”.
Rikujtojmë se Murrizi dhe Hajdari ishin në radhët e deputetëve që refuzuan të ndjekin pas demokratët për të dalë nga Kuvendi.
Sot ata janë pjesë e grupit parlamentar demokrat, ndërsa nuk dihet nëse do të kandidojnë në zgjedhjet e ardhshme me ndonjë parti apo forcë tjetër politike.
