Një i dërguar i lartë i SHBA shprehu shqetësim të fortë të enjten në lidhje me aktivitetet e kontraktorit ushtarak privat rus Wagner Group dhe përpjekjet e tij të supozuara për të rekrutuar ushtarë në Serbi dhe gjetkë në botë.
Këshilltari i departamentit të shtetit të SHBA, Derek Chollet i kërkoi gjithashtu Serbisë të vendosë sanksione kundër aleatit të saj tradicional sllav, Rusisë.
“Ne besojmë se vendet duhet të nënshkruajnë sanksionet sepse veprimet e Rusisë jo vetëm që duhet të dënohen, por duhet të ndëshkohen,” tha ai.
“Rusia çdo ditë ndjek një luftë brutale, të pajustifikuar kundër Ukrainës. Ne duhet të qëndrojmë së bashku, për të siguruar që kjo sjellje është e papranueshme.”
I dërguari i SHBA-së këtë javë nisi një turne në disa vende të Ballkanit në një vizitë të përqendruar në përpjekjet ndërkombëtare për të ndihmuar në normalizimin e marrëdhënieve midis Kosovës dhe Serbisë pas javësh tensioni të shtuar, shkruan The Guardian.
Kosova shpalli pavarësinë në vitin 2008, diçka që Serbia dhe Rusia nuk e njohin./Albeu.com/
