Sulmuesi i Napolit, Victor Osimhen është kthyer në një nga sulmuesit më të kërkuar që skuadrat e mëdha kërkojnë ta transferojnë gjatë merkatës së verës.
Në këtë mënyrë Osimhen ka përfunduar në radarët e klubeve të mëdha, ku Real Madrid dhe Manchester United janë në “luftë” me njëra-tjetrën për të bërë të tyrin 23-vjeçarin.
Sipas “Calciomercato”, të dy klubet mund të lëvizin për Osimhen në merkaton e verës, pavarësisht faktit se kontrata e tij aktuale me Napolin përfundon në vitin 2025.
Napoli pagoi 70 milion euro për të nënshkruar me Osimhen nga Lille në vitin 2020 dhe çmimi i tij është rritur që atëherë.
Skuadrat që duan ta blejnë sulmuesin nigerian thuhet se duhet të paguajnë të paktën 100 milion euro, pasi presidenti Aurelio De Laurentis është i vështirë në negociata.
Ylli nigerian mburret me 21 gola nga 52 ndeshjet e tij të para për klubin nga Serie A./h.ll/albeu.com
