Rritja e rasteve, dasmat dhe funeralet janë shkaku kryesor në Shkodër (VIDEO)

Rritja e rasteve të reja të infektuar me Covid-19 në Shqipëri sa vjen e po rritet.

Qeveria pritet të marrë masa shtesë për të parandaluar përhapjen e virusit vdekjeprurës, ndërkohë që pritet të bëhet vaksinim i detyrueshëm për kategori të caktuara të popullsisë.

Dasmat dhe funeralet janë burimi kryesor i rasteve të rritjeve me Covid 19 në Shkodër. Kështu është shprehur Xheni Halili, Drejtoresha e Njësisë Vendore e Kujdesit Shëndetësor Shkodër.

Halili thotë se mungesa e respektimit të masave ka çuar deri në rritjen e rasteve. Ajo gjithashtu u bënë thirrje qytetarëve të vaksinohen.

“Kjo situatë vjen sepse masat që janë vendosur nuk janë zbatuar sa duhet. Një ndër vatrat kryesore janë dasmat dhe funeralet. Ne i bëjmë thirrje cdo qytetari që të respektojë masat,” thotë ajo.

Halili u shpreh se ka vaksina të mjaftueshme për gjithë qytetarët dhe mjafton që të paraqiten pran qëndrave shëndetësore.

“Ne kemi vaksina mjaftueshëm nga Thethi në Velipojë që secili që dëshiron të vaksinohet të shkojë dhe ta marrë,” tha Halili.

Xheni Halili komentet i bëri gjatë ceremonisë së dhurimit të një autoambulancë për zonën e Velipojës. Ndërsa shtoi se tashmë edhe një e tillë është funksionale edhe në zonën turistike të Thethit./albeu.com


Shtuar 30.08.2021 17:25

Tags: