Në bashkinë e Kuçovës ka përfunduar rinumërimi i votave, por nuk ka pasur ndryshim në forcën fituese.
Rinumërimi i 18 kutive nisi pas kërkesës së koalicionit “Bashkë Fitojmë” që kërkuan edhe shpalljen e pavlefshmërisë së zgjedhjeve në këtë bashki.
Rezultati nuk ka ndryshuar por kandidatit socialist, Kreshnik Hajdarit i janë hequr 9 vota, Lefter Maliqit nga koalicioni i “Bashkë Fitojmë” iu hoqën 4 vota dhe kandidatit të PD, Ilirjan Koxhaj iu hoqën 2 vota.
Avokati i koalicionit “Bashkë fitojmë” i ka kërkuar Kolegjit Zgjedhor rihapjen e të gjitha kutive të tjera të KZAZ Kuçovë, por përfaqësuesja e KQZ-së ka rrëzuar kërkesën.
