Dy persona janë arrestuar në Fier, pasi kanë vjedhur dy banesa.
Policia bën me dije se dy autorët kanë vjedhur një shumë parash në një banesë në Petovë, si dhe 1 motomjet dhe vegla pune në një banesë tjetër, në Libofshë.
Njoftimi i Policisë:
Fier/Vodhën një shumë parash, një motomjet dhe vegla pune, në 2 banesa. Policia identifikon dhe vë në pranga 2 autorët e dyshuar.
Në vijim të punës për parandalimin dhe zbardhjen e vjedhjeve, identifikimin dhe vënien para përgjegjësisë ligjore të autorëve, specialistët për Hetimin e Krimeve të Komisariatit të Policisë Fier, identifikuan, kapën dhe ndaluan 2 shtetas të cilët dyshohen se kanë vjedhur një shumë parash në një banesë në Petovë, si dhe 1 motomjet dhe vegla pune në një banesë tjetër, në Libofshë.
/albeu.com/
