Një aksident ka ndodhur mëngjesin e sotëm në Tiranë, në të cilin janë përfshirë një makinë policie dhe një automjet tjetër.
Dy polic të patrullës, shoferi dhe një pasagjer i mjetit tjetër, janë dëmtuar dhe jashtë rrezikut për jetën.
Ndërkohë mësohet asnjë nga shoferët nuk rezulton të ketë qenë në efektin e alkoolit.
Aksidenti ka ndodhur te kryqëzimi mes rrugës “Vasil Shanto” dhe “21 dhjetori” në Tiranë.
Njoftimi i policisë:
Tiranë/Informacion paraprak
Rreth orës 05:15, te ura e “Vasil Shantos”, janë përplasur dy automjete, konkretisht automjeti tip “Skoda” i Patrullës së Përgjithshme të Komisariatit të Policisë Nr. 2 me drejtues Inspektor B. M., 31 vjeç, dhe automjeti tip “BMW” me drejtues shtetasin N. B., 36 vjeç.
Si pasojë e përplasjes janë dëmtuar dy drejtuesit e automjeteve, si dhe pasagjerët, shtetasi G. N., 38 vjeç, që ndodhej në automjetin tip “BMW” dhe punonjësi i Patrullës së Përgjithshme Inspektor J. B., 22 vjeç, që ndodhej në automjetin tip “Skoda”.
Të dëmtuarit ndodhen në spitalin e Traumës, nën kujdesin e mjekëve, jashtë rrezikut për jetën.
Të dy drejtuesve të mjeteve, iu është bërë testi i alkoolit, dhe ka rezultuar që asnjëri prej tyre, nuk kishte konsumuar pije alkoolike.
Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e rrethanave dhe shkakut të aksidentit./albeu.com
