Ka arritur në 409 të vdekur nga koronavirusi në Kinë.
Rastet e reja janë rritur me përqindje dyshifrore në 11 ditët e fundit, pa asnjë shenjë të ngadalësimit.
Më shumë njerëz kanë vdekur në këtë epidemi sesa në shpërthimin e SARS në Kinën kontinentale. Gjatë asaj shpërthimi, 349 njerëz vdiqën në kontinent.
Shifrat e reja nga Komisioni i Shëndetit në Kinë të Mërkurën treguan se 65 njerëz vdiqën të martën dhe 3,887 njerëz ishin infektuar. Deri më tani, numri i personave të infektuar ka arritur në 24.324.
Të paktën 151 raste janë konfirmuar në 23 vende të botës, përfshirë Shtetet e Bashkuara, Japoninë, Tajlandën, Hong Kongun dhe Britaninë.
Vdekja e parë nga virusi jashtë Kinës u konfirmua në fundjavë. Autoritetet në Filipine thanë se 44-vjeçari kinez vdiq të shtunën pasi udhëtoi nga Ëuhani, qyteti ku ka shpërthyer epidemia.
Shumë shtete kanë mbyllur kufijtë për vizitorët nga Kina dhe linjat ajrore kanë anuluar udhëtimet për të shmangur përhapjen e virusit.
