A është e shëndetshme të flesh në errësirë të plotë?

Para ardhjes së teknologjisë moderne, ne kishim vetëm dy burime bazë drite në dispozicion – Diellin dhe Hënën, por kohët moderne na kanë distancuar nga natyra dhe ne ekspozohemi ndaj dritës edhe gjatë natës.

Drita artificiale mund të ndikojë negativisht në shëndetin e të gjithë trupit dhe hulumtimet kanë treguar se edhe drita e lehtë artificiale gjatë gjumit mund të dëmtojë trurin.

Drita artificiale rrit nivelin e hormoneve të stresit gjatë natës dhe ekspozimi i shpeshtë ndaj dritës artificiale gjatë gjumit rrit rrezikun e inflamacionit kronik, rezistencës ndaj insulinës dhe sëmundjeve kardiovaskulare.

Gjumi me dritë artificiale mund të shkaktojë pagjumësi dhe çekuilibër hormonal.

Melatonina është një hormon i nevojshëm për relaksim dhe gjumë, dhe drita artificiale pengon lirimin e melatoninës. Është melatonina që ul nivelin e presionit të gjakut, glukozës dhe temperaturës së trupit. Megjithatë, lirimi i melatoninës zvogëlohet në mënyrë dramatike në prani të dritës.

Shkencëtarët kanë zbuluar se njerëzit që flenë me dritë artificiale kanë 50% më pak melatoninë në trupin e tyre. Është për këtë arsye që ata rekomandojnë gjumin në një dhomë të freskët, të ajrosur dhe të errët.

Do të bini në gjumë shumë më shpejt nëse shtriheni në një dhomë të errët dhe gjithashtu do të zvogëloni rrezikun e kancerit, sëmundjeve të zemrës, diabetit të tipit 2 dhe pagjumësisë.

Përveç kësaj, në mëngjes do të zgjoheni më të pushuar nëse flini në errësirë të plotë sesa nëse flini me dritë artificiale.


Shtuar 9.11.2022 21:06