Kovaçevski për Merkon: Qeveria nuk është as prokuror as gjykatës, nuk do të jem si disa ish-kryeministra që ikën

I pyetur për pritjet e tij pasi komisioni katër anëtarësh nga Prokuroria Publike i mbikëqyr rastet lidhur me kryetarin e komunës së Strugës Ramiz Merko, kryeministri i Maqedonisë së Veriut, Dimitar Kovaçevski tha: “E shoh që sot në mëngjes ka një hutbe ku thotë se komuna është e hapur për të gjitha organet hetimore që duhet të shqyrtojnë pretendimet dhe arsyet për futjen e tij në listën e zezë. “Unë në fakt i kam thënë ditë më parë se komuna duhet të jetë në dispozicion për të gjitha kontrollet që do të bëhen.”

“Është mirë që tashmë Prokuroria Publike ka ngritur një komision që duhet ta hetojë këtë dhe shteti të funksionojë në mënyrë të tillë institucionale. Sepse Qeveria nuk është as prokuror, as gjykatës dhe unë nuk do të bëj atë që bënë disa ish-kryeministra, për të cilët u desh të shkonin në vende të tjera, por secili institucion të marrë përgjegjësinë e tij dhe të punojë sipas kompetencave të tij”, theksoi ai.