Gjermania do të dërgojë armë të tjera në Ukrainë

Gjermania po planifikon një hap të ri në dërgimin e armëve në Ukrainë, raportojnë mediat gjermane.

Sipas medieve, hapi i radhës mund të përfshijë furnizimin e automjeteve luftarake Marder për të luftuar forcat ruse.

Kjo vjen pasi Gjermania u përball me presion të ri për të dërguar automjete më moderne luftarake në Ukrainë pas vendimit të Francës për të dërguar automjete të lehta luftarake AMX-10 RC.

Të mërkurën, presidenti ukrainas Volodymyr Zelensky u kërkoi aleatëve perëndimorë që të sigurojnë ushtrinë e tij me tanke dhe armë të rënda për të luftuar forcat e Vladimir Putin.

Gazeta Sueddeutsche Zeitung raportoi se hapi i Gjermanisë mund të përfshijë dorëzimin e automjeteve luftarake Marder, duke cituar burime qeveritare, me vendimin që thuhet se është marrë në koordinim të ngushtë me Shtetet e Bashkuara dhe Francën./Albeu.com.


Shtuar 5.01.2023 20:18