Samiti i mbajtur ditën e sotme në Madrid, Spanjë ka bërë bashkë udhëheqësit e vendeve anëtare të NATO-s.
Kryeministri i Mbretërisë së Bashkuar Boris Johnson në një deklaratë për mediet thotë se nëse presidenti rus Putin shpreson se NATO nuk do të zgjerohet, e ka gabim.
“Ne kemi dy anëtarë të rinj që vijnë, Finlanda dhe Suedia, një hap i madh përpara për aleancën tonë”, tha kreu i qeverisë britanike.
Johnson thotë se samiti i sotëm do të diskutojë se çfarë mund të bëhet më shumë për të mbështetur Ukrainën dhe çfarë mësimesh mund të nxirren nga muajt e fundit.
Diskutimet do të fokusohen gjithashtu në “rishikimin e qëndrimit të NATO-s në krahun lindor”, shton ai./albeu.com
