Vritet në zyrë ministri, autor shoku i tij i ngushtë

Ministri i mjedisit dhe burimeve natyrore i Republikës Domenikane është qëlluar dhe vrarë në zyrën e tij nga një mik i ngushtë, thonë zyrtarët.

Orlando Jorge Mera, 55 vjeç, ishte duke mbajtur një takim në momentin e sulmit. Të paktën gjashtë të shtëna janë dëgjuar.

Një zëdhënës presidencial e identifikoi autorin si Miguel Cruz, duke e përshkruar atë si një shok fëmijërie të ministrit. Ai u arrestua dhe ndodhet në paraburgim, ndërsa motivi i vrasjes mbetet i paqartë.

Në një deklaratë, familja e Jorge Mera tha se ai ishte qëlluar disa herë nga një person të cilin e kishte shok që nga fëmijëria.

“Familja jonë e fal personin që e bëri këtë. Një nga trashëgimitë më të mëdha të Orlandos ishte të mos mbante mëri,” shtuan ata.

Jorge Mera kishte shërbyer në administratën e Presidentit aktual Luis Abinader që kur ai erdhi në pushtet në korrik 2020.

Në një postim në Tëitter, Presidenti Abinader shprehu ngushëllimet e tij të sinqerta për familjen e Jorge Mera dhe tha se ndjente keqardhje të thellë për vdekjen e mikut të tij të mirë./albeu.com