Klubet e Premier Ligës e kanë shtyrë vendimin përsa i përket datës së merkatos së kësaj vere.
UEFA dëshiron që hapësira e merkatos të mbyllet me 5 tetor, përpara startit të sezonit të ri të Ligës së Kampionëve.
Skuadrat angleze po konsiderojnë mundësinë e shtyrjes së hapësirës së merkatos edhe për disa javë, pasi janë prekur nga kriza e pandemisë koronavirus.
Një vendim final pritet të merret në një takim që skuadrat e Premier Ligës do kenë me datë 24 korrik. Edhe data e fillimit të sezonit të ri 2020-2021 do konfirmohet në takimin e ardhshëm.
Data 12 shtator duket si opsioni më i mundshëm për fillimin e sezonit të ri.
Federata angleze është e shqetësuar se reduktimi i numrit të ndeshjeve do ndikojë në kompeticionet dhe kupat respektive.
