Krahu i doli vendit në fushë, vjen njoftimi i parë nga Milani për gjendjen e Ante Rebic

Milan merr lajmin më të mirë dhe Ante Rebic mund të buzëqeshë.

Rënia e keqe kundër Crotone-s nuk shkaktoi dëmtime serioze në bërrylin e sulmuesit të Milanit, i cili do t’i nënshtrohet një resonance manjetike brenda 10 ditësh. Më poshtë është njoftimi për shtyp nga klubi kuqezi.

“AC Milan njofton se pas zhvendosjes së bërrylit të tij të majtë të pësuar në ndeshjen Crotone-Milan,sot Ante Rebic iu nënshtrua një skanimi CT që konfirmoi mungesën e frakturave dhe hetimeve të mëtejshme që përjashtuan ndërlikimet e nervit vaskular periferik. Një rezonancë kontrolli me vlerësimin e specialistëve është planifikuar për rreth dhjetë ditë”.


Shtuar 28.09.2020 18:03