Ylli belg i Napolit, Mertens, vazhdon të jetë lojtari që merr vëmendjen më të madhe në skuadrën e tij, para merkatos së verës.
Emri i Mertens po lidhet me shumë skuadra, e së fundmi më së shumti me Inter. Por, ai do të ketë edhe një mundësi të fundit me Napolin.
Presidenti i skuadrës, Aurelio De Laurentiis i ka dhënë ultimatum lojtarit që brenda një jave të nënshkruajë ose të largohet, bën të ditur ‘Gazzetta dello Sport’.
Kontrata aktuale e Mertens me Napoli skadon më 30 qershor të këtij viti.
Lojtari po shqyrton mundësitë për skuadrën e re qysh nga merkatoja e janarit. Mbetet të shihet cila do të jetë e ardhmja e tij.
