Real Madrid janë të vendosur të largojnë nga skuadra Gareth Bale, por duket një mision i pamundur shkaku i pagës së tij të madhe.
Ylli i Uellsit zbuloi këtë javë se ai do të dëshironte të kthehej në Premierligë.
Por, Los Blancos do ta kenë të vështirë të largojnë atë nga skuadra, shkaku i pagës së madhe të tij, gati 20 milionë euro në sezon.
Real Madrid e ka të vështirë të gjejë një skuadër që do t’ia paguante Bale pagën e tij, edhe pse lojtari nuk është në planet e trajnerit Zinedine Zidane.
Gareth Bale ka kontratë me Real Madridin edhe dy vite.
