Manchester Unitedi është i gatshëm ta lejojë Paul Pogban të largohet, por vetëm në një marrëveshje shkëmbimi për Lautaro Martinezin e Interit.
Mesfushori francez, i cili nuk po kalon ditë të lumtura në Old Trafford, mund të rikthehet në Serie A, por te Interi, klubi rival i ish-skuadrës së tij Juventus.
Tabloidi britanik “Mirror” raporton se Manchester Unitedi dëshiron t’ia ofrojë Interit Pogban në një marrëveshje shkëmbimi për sulmuesin argjentinas Martinez.
Pogba është i gatshëm të kthehet në Itali dhe jo të kalojë në Spanjë, prandaj Interi mund të jetë një mundësi për të.
Madje sipas tabloidit britanik, skuadra e Antonio Contes është favorit para Juventusit për ta transferuar francezin.
Megjithatë, për ta arritur këtë, zikaltërve u duhet të pajtohen me humbjen e sulmuesit kryesor këtë sezon.
