Rrëzohet helikopteri ushtarak në Kanada, vdesin dy anëtarë të ekuipazhit

Një helikopter CH-147 Chinook i Forcave Ajrore Kanadeze u rrëzua sot në Otavë, duke lënë të vdekur dy nga katër anëtarët e ekuipazhit.

Chinook ishte në një fluturim stërvitor kur, në rrethana të paqarta, u rrëzua në ujërat e lumit Otava. Ekipet e shpëtimit që shkuan në zonë gjetën dy të mbijetuar, të cilët ndodhen në spital jashtë rrezikut për jetën.

Kryeministri kanadez Justin Trudeau tha se kontaktoi me shefin e Shtabit të Mbrojtjes Kombëtare për të shprehur ngushëllimet e tij për familjet dhe kolegët e viktimave.


Shtuar 20.06.2023 22:11