Kryeministri Edi Rama është takuar me presidentin e Këshillit Europian, Charles Michel, me të cilin kanë folur ndër të tjera për lirimin e tre policëve të Kosovës që mbaheshin të burgosur në Serbi.
Krahas një fotoje me Michel, të postuar në Tëitter, Rama shkruan se Serbia dhe Kosova duhet të depërshkallëzojnë marrëdhëniet e t’i drejtohen dialogut, si një detyrim ndaj rajonit.
Reagimi i plotë:
Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar!
Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush.
Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar!
Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për… pic.twitter.com/k5YFtUn6Jn
— Edi Rama (@ediramaal) June 26, 2023
Kujtojmë që tre policët e Kosovës të rrëmbyer nga forcat serbe u lanë të lirë ditën e sotme. Kosova ka pretenduar vazhdimisht se ata janë kapur brenda territorit të saj, teksa Serbia nuk e ka pranuar diccka të tillë.
Komuniteti ndërkombëtar dhe autoritetet e Kosovës kishin bërë vazhdimisht thirrje për lirimin e tyre.
