Shoferët me shpejtësi skëterrë në Tiranë, policia pezullon 29 leje drejtimi dhe vë 81 gjoba (VIDEO)

Gjatë dy ditëve të fundit në Tiranë, Policia Rrugore ka vënë 81 gjoba dhe ka pezulluar 29 patenta për shkak se shoferët kanë thyer rregullat e qarkullimit rrugor.

Njoftimi i policisë:

Policia Rrugore e Tiranës, monitorim të pandërprerë me radarë, dragera dhe patrulla të lëvizshme, për të parandaluar aksidentet rrugore.

Monitorim, dhe me dragera në të gjitha rrugët e Tiranës  për të parandaluar ngjarjet rrugore që vijnë si pasojë e drejtimit të mjeteve nën efektin e alkoolit.

Gjatë dy netëve të fundit si rezultat i monitorimit me në rrugët interurbane që lidhen me Tiranën, nga Policia Rrugore e kryeqytetit u konstatuan shpejtësi nga 138 km/h deri në 141 km/h.

Ndërsa nga monitorimi me dragera u konstatuan masa alkooli që varionin  nga 0.09 mg/l deri në 0.41 mg/l.

Si dhe drejtues mjetesh në gjendje të dehur deri në masën 1.19 mg/l.

Përgjatë orëve të mbrëmjes së dy netëve të fundit janë pezulluar 10 Leje Drejtimi, për shpejtësi që varionin nga 138 km/h deri në 141 km/h.

Dhe 19 Leje Drejtimi për drejtim mjeti nën efektin e alkoolit që varionin nga 0.31 mg/l deri në 0.48 mg/l.

Janë vendosur 42 masa administrative me vlerë nga 2.000 deri në 4.000 lekë të rinj për shpejtësi tej normave të lejuara që varionte  nga 115 km/h deri në 127 km/h.

Si dhe janë vendosur 39 masa administrative me vlerë nga 5.000 deri në 15.000 lekë të rinj për drejtim mjeti nën efektin e alkoolit që varionte nga 0.09 mg/l deri në 0.29 mg/l.

Policia e Shtetit  apelon për të gjithë drejtuesit e mjeteve, mos abuzoni me shpejtësinë dhe alkoolin në timon, kujdesuni për  jetën tuaj dhe të përdoruesve të tjerë të rrugës.

Policia Rrugore me radarë e dragera është  prezente kudo, jo për të shtuar numrin e gjobave por për të parandaluar kërcënimin e jetës në rrugë nga këta drejtues mjetësh që abuzojnë me rregullin dhe normat e sjelljes në rrugë./albeu.com


Shtuar 4.09.2021 08:33