Vodhi kasafortën në shtëpinë e babait, zbardhet dëshmia e 33-vjeçarit: Kisha borxhe për të shlyer

Një 33-vjeçar është arrestuar nga policia e Tiranës pasi akuzohet se vodhi në shtëpinë e babait kasafortën me mijëra euro dhe paund.

Në pranga u vu Ervin Skana dhe para efektivëve ai pretendoi se kishte borxhe për të shlyer, por pa dhënë deklarime të plota. Denoncimi për vjedhjen u bë në polici nga i ati i Ervinit, Hamit Skana.

Ky i fundit u tha hetuesve se nuk kishte dijeni për autorët dhe se banesa nuk i ishte grabitur me thyerje. Pasi u vunë në dijeni për ngjarjen, efektivë të komisariatit numër 3 nisën hetimet dhe në sajë të pamjeve të kamerave të sigurisë, rezultoi se autor i vjedhjes ishte djali i shtëpisë.

Ervin Skana, në momentin e arrestimit u kap me kasafortën me para në dorë. Në cilësinë e provës materiale u sekuestrua një pjesë e parave të vjedhura, 10 530 paund dhe 27 030 euro, si dhe aksesorë të ndryshëm floriri./Albeu.com.


Shtuar 13.05.2023 11:35