Një ngjarje e rëndë ka ndodhur në Greqi gjatë xhirimit të një filmi.
Aktorët e filmit “Martesë Alla Greke 3” u përballën me një incident të frikshëm, ku dy skafe me 16 aktorë grekë dhe të huaj në bord janë përplasur në rrethana të paqarta në zonën detare të Thymari në Palea Fokea në Anavyssos.
Një nga dy skafet është përmbysur nga përplasja, me 8 aktorët që përfunduan në det. Menjëherë në zonë mbërritën ekipet e posaçme për të nxjerrë nga deti aktorët.
Protothema.gr raporton se njëri prej aktorëve u lëndua dhe u dërgua në spitali për të marrë trajtim mjekësor. Në skafin e dytë ndodheshin tetë aktorë të tjerë.
Sipas informacioneve të Autoriteteve, i plagosuri është transportuar me autoambulancë në spital, ndërsa pasagjerët e tjerë janë në gjendje të mirë shëndetësore.
