Kryetari i bashkisë së Moskës, Sergei Sobyanin, sapo ka lëshuar një deklaratë në Telegram duke njoftuar se “në Moskë është shpallur një regjim operacioni kundër terrorizmit” dhe se e hëna do të jetë një “ditë jo pune” për “minimizimin e rreziqeve”.
Ai u kërkoi moskovitëve që “të përmbahen nga udhëtimet nëpër qytet sa më shumë që të jetë e mundur”.
Shërbimet e qytetit janë në gatishmëri të lartë.
Mercenarët e Wagner duket se po lëvizin në veri nga rajonet qendrore të Rusisë, në drejtim të kryeqytetit.
“Situata është e vështirë,” tha ndër të tjera Sobyanin në deklaratën e tij.
Ai shtoi se ka mundësi që disa rrugë apo lagje në qytet të mbyllen për qarkullim.
