Janë zbardhur dëshmitë e dhëna nga familjarët e vrasësit Erdet Çapoku si dhe të vetë autorit mbi vrasjen makabre të ndodhur mbrëmjen e së enjtes në Paskuqan.
Top Channel ka zbardhur dëshmitë e familjarëve mbi vrasjen e Enkeleda Çapokut, përfshi dhe atë të autorit të krimit Erdet Çapoku.
Dëshmitar është edhe vëllai i vrasësit, Ervin Çapoku i cili ka hedhur poshtë pretendimet e Erdetit që tha se e kishte si porosi nga vëllai tjetër ruajtjen e gruas.
Ervin Çapoku i tha policisë siç thonë burime për gazetaren Anila Hoxha: Më datë 27.12.2019 unë kam shkuar për të takuar vëllain që është në burg Eltonin me të cilin kemi biseduar për konfliktin që nusja e Eltonit, Enkelejda kishte me vëllai tonë. Eltoni më tha që “foli Erdetit se ai nuk ka punë me gruan time dhe se Enkelejda e dinte vetë se çfarë bënte, foli se mos na bën ndonjë skandal apo proçkë me Enkelejdën”.
Deklaratë ka dhënë edhe djali i dajës së tij Apostol Bidika i cili është shprehur se i ka dhënë lajmin për vdekjen e Enkelejdës në telefon dhe Erdeti është shprehur: Pse, ka vdekur ajo?
Erdeti natën e vrasjes ka shkuar për të fjetur tek banesa e Apostolit ku derën ja ka hapur një shok i tij i cili është shprehur se Erdeti i kishte kërkuar që të linte biçikletën diku ku nuk shihej dhe e ka lënë në katin e dytë.
Teksa policia ka përshkruar me detaje edhe këqyrjen e kufomës:
Ka të veshur një triko golf ngjyrë vishnjë ku në pjesë e përparme në anën e majtë të saj ka një dëmtim mekanik, sytjena sintetike me ngjyrë blu ana e majtë e së cilës ka një dëmtim mekanik. Në pjesën e poshtme të trupit ka veshur një palë tuta më ngjyrë të zezë me dy vija të bardha anash, mbathje sintetike me fushë të zezë me disa rrathë të rrumbullakët përsipër.
Kufoma ka konstrukt të rregull me gjatësi shtati 160 cm.
Nuk vërehen në dukje dhe në prekje dëmtime apo thyerje të kockave.
Vërehet një plagë e cila fillon në anën e majtë të hundës poshtë duke e ndërprerë hundën në dy pjesë tej për tej me drejtim nga ana e majtë në të djathtë duke përfunduar me një gërvishtje në skain e jashtëm të syrit.
Kafazi i kraharorit ka trajtë cilindrike është simetrik vërehet një plagë në anën e majtë të sipërme të gjoksit mbi gjirin e majtë në kuadratin e sipërm mbi thithkën e gjirit. Plaga ka vendosje horizontale në trajtë të një trekëndëshi me bazë nga ana e majtë e cila ka përmasa 1.2 cm ndërsa maja është nga ana e majtë e trekëndëshit me kënd të ngushtë të mprehtë. Plaga ka gjatësi 5 cm buzë të rregullta të cilat janë spostuar 1.5 cm.
Barku poshtë gjoksit paraqet një plagë në kuadratin e poshtëm të majtë e cila ka trajtë trekëndësh me vendosje horizontale me bazë djathtas. Baza ka përmasa 1.2 cm, plaga ka gjatësi 4 cm dhe buzët janë të rregullta, plaga deporton në thellësi të kavitetit. në shpinë në anën e djathë vërehet një gërvishtje me përmasa 06.0.5 cm. Dëmtime të tjera nuk u vërejtën në trupin e shtetases Enkeleda Çapoku.
Dëshmia e Erdetit:
Ditën e djeshme unë kam lënë punën pasdreke, kam shkuar në banesën ku jetoj me qera janë ndërruar kam dalë tek “Ura Ngushtë” në anën e laprakës, piva kafae u ktheva në shtëpi kam marrë një bisht druri sqepari që e kisha në shtëpi e mbaja si masë mbrojtëse mora një thikë që e kisha në banesë dola shkova tek “Ura Ngushtë” tek lokali në anën e Paskuqanit, piva një birrë dhe një raki dhe shkoji ora 23:30 dhe jam nisur për tek banesa e kunatës time Enkeledës, kam shikuar rrotull nuk kishte njeri i kam rënë derës me sup dhe u futa brenda, pasi e dija që shuli nga brenda ishte i dobët dhe kam shkuar direkt tek krevati tek dhoma e gjumit.
Unë e dija që Xhevaire Fjolla flinte tek krevati tek dhe Enkeleda me vajzën te krevati dopio. Kam qëlluarme shkopin e drunjtë një herë në krahë Xhevahiren që të mos ngrihej pastaj kam goditur në fillim me shkop e drunjtë që Enkeledën dhe kur ajo reagoi u ngrit mua mu errën sytë dhe kam nxjerr nga brezi thikën dhe e kam goditur pa e ditur se ku disa herë, por se sa nuk e kujtoj.
Pastaj kam dalë kam marrë biçikletën kam shkuar tek ‘Ura e Ngushtë” dhe kam dalë në Laprakë. Kam shkuar tek banesa e shtetasit Apostol Bitika që e kam djalë daje. Rreth mesnatës, Nuk i kam treguar se çfarë kisha bërë dhe jam ulur direkt në gjumë ku jam ngritur rreth orës 09:30 dhe në 12:30 erdhi policia te banesa e kushëririt dhe më morën.
Kaq kam për të deklaruar.
Pyetje: Ku e keni armën e krimit, thikën që deklaruat që e keni marrë në banesë që jetoni:
Përgjigje: Unë sapo kam kryer krimi e kam hedhur në ujë tek lumi te Ura e Ngushtë, pasi kishte shumë ujë dhe e dija që nuk do e gjente njeri.
Pyetje: A mund të na tregoni sa kohë kishit që nuk e kishe takuar Enkeleda Çapokun përpara natës së krimit?
Unë kam shumë kohë që nuk kam folur as nuk i kam takuar as në rrjetet sociale nuk kam komunikuar. Unë i mora inat në momentin që me bëri kallëzimin pasi unë kam investuar tërë lekët për të rritur mbesën e të ushqeheshin ajo dhe vajza dhe sa herë më kërkonte lek Enkeleda i jepja e shkoja mirë me të, por pasi më ishte betuar që do më fuste në burg, unë isha betuar që do e vrisja, sepse më kishte marrë tërë lekët e punës që bëja dhe nuk kisha faj, vetëm se unë kisha hetuar që ajo shkonte me meshkuj të tjerë dhe vëllai im dhe burri i asaj ishte në burg.
Unë e bëra këtë se ajo më bënte presion se do më fuste në burg kot, e më prishi me vëllain vetëm se unë i zbulova lidhjet intime.
Pyetje: A jeni përdorues i lëndëve narkotike, alkolit, apo vuani nga ndonjë sëmundje e shëndetit mendor?
Përgjigje: Jo nuk konsumoj lëndë narkotike, nuk abuzoj me alkolin, nuk kurohem për sëmundje të shëndetit mendor, asnjëherë nuk kam shkuar tek mjeku.
Pyetje: Çfarë keni për të deklaruar tjetër?
Përgjigje: Krimin e kisha planifikuar më përpara por jo se kur, por një ditë do e bëja për këtë arsye nuk i dilja para Enkeledës që mos të krijoja dyshime. Skam asgjë tjetër./tch
