Paralajmërim për përkeqësimin e motit në Vlorë, kërkohet marrja e masave

Vendi ynë këtë të shtunë mbizotërohet nga moti i paqëndrueshëm me vranësira dhe reshje shiu.

Në Vlorë parashikohet që gjatë 48 orëve të ardhshme pritet të ketë një situatë të rënduar meterologike për shkak të motit të keq.

Stuhitë do të përfshijnë të gjithë territorin e qarkut të Vlorës, kështu që kërkohet të merren masa për të përballuar dhe parandaluar çdo lloj situate emergjente.

Njësive të qeverisjes vendore u është kërkuar të bëjnë lajmërimin e popullatës të marrin masa për tu mos u gjendur në situata të vështira dhe kritike përfshirë jetën apo pronën.

Po ashtu të gjitha drejtoritë përkatëse duhet të marrin masa sipas fushës së përgjegjësisë.