Ndërsa ngjarjet me zhvillim të shpejtë në Rusi vazhdojnë, Volodymyr Zelensky ka thënë se është “i sigurt” se Vladimir Putin nuk është më në Moskë.
Gjatë fjalimit të tij në Telegram, presidenti ukrainas tha se “sot është një ditë kur patjetër nuk duhet të ketë heshtje” dhe “duhet patjetër lidership”.
“Sot bota pa që zotërit e Rusisë nuk kontrollojnë asgjë. Asgjë. Thjesht kaos i plotë,” shkroi ai.
Ai u zotua se trupat e tij “do të jenë patjetër në gjendje të mbrojnë Evropën nga çdo forcë ruse”, duke shtuar se siguria e krahut lindor “varet” nga mbrojtja e Ukrainës.
“Njeriu nga Kremlini është padyshim shumë i frikësuar dhe ndoshta fshihet diku, duke mos u shfaqur. Jam i sigurt se ai nuk është më në Moskë,” shtoi ai.
“Ai e di se nga çfarë ka frikë, sepse ai vetë e krijoi këtë kërcënim. Të gjitha të këqijat, të gjitha humbjet, të gjitha urrejtjet – ai e përhap atë vetë.”
Nga ana tjetër, zyra e presidentit bjellorus pretendon se Yevgeny Prigozhin ka rënë dakord për të de-përshkallëzuar situatën në Rusi, ka thënë zyra e presidentit bjellorus.
Si pjesë e marrëveshjes, kreu i grupit mercenar ëagner ka thënë se do të ndalojë lëvizjen e luftëtarëve të tij nëpër vend, shtoi zyra.
Një marrëveshje për të garantuar sigurinë e trupave të ëagner është gjithashtu në tryezë.
