Acarohet situata në Has, kandidatit për bashkinë i djegin makinën

Kandidatit të Partisë Socialiste për Bashkinë e Hasit, Halit Mulaj, i është djegur automjeti brenda garazhit gjatë orëve të natës. Paraprakisht policia dyshon se zjarrëvënia ka qenë e qëllimshme.

Ky incident vjen vetëm pak ditë para mbajtjes së zgjedhjeve më 14 maj. Ngjarja ka ndodhur gjatë natës, ndërsa makina ka qenë brenda garazhit.

Sikurse shihet në pamje, mjeti i kandidatit socialist është shkrumbuar totalisht nga flakët.

Ende nuk dihen arsyet se përse mund t’i jetë vënë flaka kandidatit socialist për Hasin, ndërsa grupi hetimor po punon për sqarimin e ngjarjes.

Grupi hetimor po vëzhgon kamerat e sigurisë për të bërë të zbardhur dinamikën e ngjarjes, si edhe për të identifikuar autorin/ët.


Shtuar 10.05.2023 09:04