Silvana ka rrëfyer në emisionin “E Diela Shqiptare” me Arditin, historinë e saj rrëqethëse, sfidat e jetës, vështirësitë dhe bukuritë e jetës.
Ajo tha se prindërit e kanë martuar me shkuesi që në moshën 17-vjeçare dhe se burri nuk e ka dashur kurrë atë.
Sakaq ajo ka treguar në rubrikën “Ka një mesazh për ty” se pas pas vuajtjes dhe trishtimit i ka ardhur buzëqeshja, qetësia e gëzimi.
Ardit Gjebrea: Ty të pëlqeu në fillim?
Silvana: Jo.
Ardit Gjebrea: Nuk të pëlqeu?
Silvana: Jo. unë kam thënë jo në fillim, mami ka vajtur dhe ka thënë vajza tha po.
Ardit Gjebrea: Po pse e bëri mami këtë gjë?
Silvana: Ia kam bërë mamit pyetjen gjithmonë dhe më ka thënë “janë njerëz të mirë, prindërit i ka të mirë”. Okej, njeh prindërit, por jo djalin.
Ardit Gjebrea: Cila ishte përshtypja jote e parë për djalin, e njihje më përpara?
Silvana: Jo. Herën e parë që e kam parë, për mua një njeri që duket që është me kulturë, që është ndryshe, se si flet.
Ardit Gjebrea:Dhe si fliste ai?
Silvana: Duhet të ketë një lidhje kur bën muhabet me dikë, jo muhabet pa lidhje, domethënë flas por nuk e di se çfarë po flas.
Ardit Gjebrea: Ju nuk patët një kimi me njëri-tjetrin?
Silvana: Jo.
Ardit Gjebrea: Po ai pse pranoi që të të merrte ty?
Silvana: Për atë ishte ndryshe se thotë “okej në rregull, jam burrë” siç është edhe mentaliteti në Shqipëri se ai ma ka thënë edhe njëherë e një kohë pasi patëm debate, “unë nuk të kam dashur kurrë por të kam marrë” sepse siç e kanë burrat shqiptarë, gruaja në shtëpi duhet të jetë shërbëtore me pak fjalë.
Ardit Gjebrea: Dhe ai ty të ka thënë që “nuk të kam dashur kurrë?”
Silvana: Më ka thënë “nuk të kam dashur kurrë. Të kam marrë dhe kemi bërë 3 fëmijë vetëm për të të mbajtur nën veten time dhe unë të bëja çfarë të doja”.