Sulmuesi shqiptar i Lokomotivës së Zagrebit, Myrto Uzuni, pohon në emisionin “Fair Play” në Syri TV se ka oferta nga klube të mëdha evropiane, por pa përmendur emra.
Periudha e karantinës – Ishte diçka e papritur karantina, por jemi stërvitur mirë. Te lokomotiva e Zagrebit u rikthyem më të fortë. Jemi në finalen e Kupës së Kroacisë dhe vetëm 2 pikë larg zonës së Championsit.
Kontrata – Kontrata ime skadon në vitin 2023, por për mua interesohen 5-6 klube nga më të fortat e Europës. Ka dhe klube të Serie A. Mendoj që klubet të mos t’i bëj publike deri sa të konkretizohet. Synimi im është të shkoj sa më lart, pasi ambicia nuk më mungon.
