Ish-trajneri i Portugalisë, Luis Felipe Scolari ka zbuluar se ishte ai që i tha Cristiano Ronaldos për vdekjen e babait të tij.
Kjo ndodhi në prag të ndeshjes kualifikuese të Kupës së Botës 2006 kundër skuadrës ruse (0:0), e cila u mbajt në Moskë më 7 shtator 2005.
“Ishte jashtëzakonisht e vështirë. Ai incident krijoi një lidhje mes nesh. Një lidhje që ishte më shumë se një marrëdhënie lojtar-trajner.
Kur e morëm vesh këtë para ndeshjes me Rusinë, askush nuk dinte ta raportonte te Cristiano, askush nuk donte ta bënte.
Pastaj thashë që do ta bëja vetë, sepse disa vite më parë kisha humbur një prind.
Ishte shumë e trishtueshme, por ajo ngjarje na afroi më shumë si miq. Të nesërmen, Ronaldo bëri një ndeshje të mrekullueshme dhe u kthye në Portugali.
Ai kërkoi të luante: “Sot nuk mund të bëj asgjë për babanë tim, kështu që do të luaj nesër dhe më pas do të largohem”, tha Scolari. /albeu.com/
View this post on Instagram
