James Rodriguez pritet të qëndrojë te Madridi këtë verë, por me gjasë të madhe jo te Reali.
“El Univeral” raporton se agjenti i Rodriguezit, Jorge Mendes, është duke biseduar me Atletico Madridin për një transferim të mundshëm në verë.
Kolumbiani ka kontratë me Realin deri në verën e vitit 2021. Për të po interesohet edhe Juventusi.
Në rast se nuk arrihet ndonjë marrëveshje me Realin, atëherë James mund të qëndrojë edhe një edicion dhe të largohet në verën e vitit të ardhshëm pasi t’i skadojë kontrata.
Rodriguez 28-vjeçar këtë sezon ka zhvilluar 13 ndeshje në të gjitha garat, ndërsa ka realizuar një gol dhe i ka asistuar dy të tjerë.
