Deputeti i Partisë Socialiste, Erion Braçe ka reaguar në lidhje me procesin e zgjedhjes së Presidentit të ri dhe humbjes së shansit nga PD për të propozuar një emër.
Kujtojmë që ditën e sotme u dogj dhe raundi i tretë, që ishte përcaktuar si shansi i fundit nga mazhoraca për opozitën.
Braçe shprehet se tani përgjegjësia i kalon mazhorancës, ndërsa PS duhet të zgjedhë një President që e pranon e gjithë Shqipëria dhe e gjithë PD.
“Na duhet një president që ta pranojë Shqipëria, ta pranojë PD e Berishës, e Alibeajt, e Bashës, e Fatmir Mediut, e ku di unë. Na duhet një president që ta pranojë Shqipëria .Opozita i dha fund sot përgjegjësisë së saj, tre raunde ishin të sajat për të zgjedhur presidentin sa kohë duheshin më shumë vota, 84. Ne nuk i kishim.
Tani përgjegjësia është e gjitha tek ne, sa kohë është tek ne duhet të bëjmë të gjithë përpjekjen të zgjedhim presidentin që do Shqipëria, që e pranon shoqëria dhe natyrisht do të jetë thelbi i unitetit të kombit”, thekson Braçe./albeu.com
