Në ministrinë e Brendshme ditën e sotme po zhvillohet prezantimi i arritjeve të ministrisë së Brendshme dhe asaj të Drejtësisë për vitin 2022 si dhe objektivat për 2023.
Të pranishëm ishin ministrat përkatës, Bledi Çuçi dhe Ulsi Manja.
Ky i fundit u shpreh se shumë nga objektivat që kanë dy ministritë kryqëzohen gjatë këtij viti. Për sa i përket arritjeve të 2022, Manja përmendi Reformën në Drejtësi. Një sukses tjetër që përmendi ishte miratimi i hartës së re gjyqësore.
Në 2023 objektiv kryesor mbetet zbatimi i hartës së re gjyqësore, e cila do të zbatohet në bashkëpunim të ngushtë me Këshillin e Lartë Gjyqësor.
Manja: Arritje tjetër është shtyrja e mandatit të organeve të vettingut. Do jetë një process që do të mbyllet në vitin 2024 dhe sfida jonë më pas do të jetë plotësimi i vakancave.
Manja shtoi se kjo sfidë u krijua për shkak të largimeve të prokurorëve dhe gjyqtarëve nga procesi i Vettingut.
Ministria e Drejtësië për vitin 2022 ka nënshkruar një marrëveshje me ministrinë e Kroacisë për të na asistuar në procesin e negociatave, theksoi Manja./Albeu.com/
