Kryetari i PD, Sali Berisha, gjatë një takimi me anëtarët e degëve 8, 9, 10 deklaroi se paratë e krimit dhe korrupsionit në Shqipëri luftuan forën perëndimore.
Sipas tij PD u godit nga korrupsioni qeveritar në Shqipëri dhe ai ndëkrombëtar. Ai tha gjithashtu se sot demokratët janë më të vendosur se kurrë për të luftuar përballë së keqes.
Më tej Berisha deklarois e sot po dalin fakte të pakundërshtueshme se Edi Rama është ëprgjegjësi për inceneratorët.
“Presione të jashtëzakonshme u bënë mbi ju, mbi anëtarësinë tonë, kërcënime nga më ç’njerëzoret. Por duhet të pranojmë, një sintonizim kjo vetëm i kësaj qeverive, të bazuar në krimin, drogën, por edhe në aleatë të tyre të korruptuar, diplomatë të korruptuar, zyrtarë, parlamentarë të korruptuar, të cilët lëshonin deklarata mbështetëse për ta.
Shqiptarët këto vite të pashembullta për Europën, për vendet e lira kanë dëgjuar deklarata mbështetëse për krim-ministrin e tyre Edi Rama, më shumë se të gjitha kohërat, se ato shiteshin dhe bliheshin haptas në tregun e korrupsionit.
Por lavdi zotit, ne sot jemi në këmbë dhe më të vendosur se kurrë në fitoren tonë. Përsëri ka amargamë korruptive e korrupsionit shqiptar me atë ndërkombëtar përpiqet të mbahet, të rezistojë, përpiqet të mashtrojë shqiptarët prap, por ju garantoj ju se të ardhme nuk kanë.
E ardhmja është e atyre që i besojnë transparencës, atyre që guxojnë të mbrojnë të vërtetat. Ne kemi guxuar dhe do të vazhdojmë revolucionin tonë deri në fitoren përfundimtare”, u shpreh Berisha.
