U kapën në shtëpi bari në Britani, në pranga katër shqiptarë (EMRAT)

Katër persona janë arrestuar nga policia Britanike pasi u kapën duke kultivuar lëndë narkotike kanabis, në një banesë.

Bëhet me dije se në pranga ka rënën 37-vjeçari Eduart Rrapushaj. Mediat e huaja raportojnë se në pronën e tij gjatë kontrollit u gjetën 246 bimë kanabisi me një vlerë prej 388,000 £.

Gjithashtu në pranga kanë rënë edhe tre persona të tjerë pasi ishin të përfshirë në këtë aktivitet. Policia ka zbuluar se autorët kishin arritur të realizonin furnizimin me energji në mënyrë të paligjshme.

Mësohet se Rrapushaj pasi pranoi fajësinë, u shpreh i penduar para gjyqtarëve, dhe ka marrë përgjegjësinë për të gjithë të arrestuarit.

“Kërkoj falje dhe unë marr të gjithë përgjegjësinë”, mësohet të këtë thënë ai.

Sakaq personat e tjerë të përfshirë në ngjarje janë Eneo Kamberi, 23 vjeç, Esat Qama, 25 vjeç dhe Eriton Qato, 28 vjeç.

Të tre të rinjtë dolën para gjykatës dhe të gjithë u lanë në paraburgim.