Ka përfunduar procesi i raundit të dytë të zgjedhjeve primare në Bashkinë Mat. Gara e kësaj të diele ishte mes mjekut Skënder Gjuci dhe ekonomistit Bukurosh Ballabani, të cilët dolën në balotazh një javë më parë.
Në votimet e raundit të dytë morën pjesë 676 anëtarë e simpatizant, 4 më pak se një javë më parë.
Kandidati Skënder Gjuci mori 478 vota, kandidati Bukurosh Ballabani 190 vota dhe 8 vota rezultuan të pavlefshme. Gjuci do të jetë kandidati i PD për Bashkinë e Matit në zgjedhjet e ardhshme lokale.
