Një 69-vjeçar ka ndërruar jetë, pasi u aksidentua mbrëmjen e djeshme në Korçë.
Ngjarja ndodhi në lagjen nr.18, Korçë, në rrugën “Muzakajt”, kur viktima u aksidentua me makinë nga shtetasi A. K., 33 vjeç, banues në fshatin Bulgarec, Korçë.
69-vjeçari u transportua për mjekim në spitalin e Korçës, pas aksidentit, ku më pas ka ndërruar jetë.
Në vijim të informacionit paraprak të dhënë ditën e djeshme, për një aksident rrugor, ju informojmë se:
Specialistët e Trafikut Urban dhe Interurban të DVP Korçë, në përfundim të veprimeve procedurale, arrestuan në flagrancë shtetasin A. K., 33 vjeç, banues në fshatin Bulgarec, Korçë, për veprën penale “Shkelja e rregullave të qarkullimit rrugor”, pasi në lagjen nr.18, Korçë, në rrugën “Muzakajt”, duke drejtuar automjetin tip “Benz”, ka aksidentuar shtetasin N. C., 69 vjeç, banues në fshatin Çiflig, Korçë, i cili është transportuar për mjekim, në spitalin e Korçës, ku më pas ka ndërruar jetë.
