Një aksident ka ndodhur në Bullgari në autostradën “Maritsa” ku është aksidentuar një autobuz me pasagjerë nga Kosova.
Ngjarja ka ndodhur në orët e para të mëngjesit të sotëm, dhe siç raporton mediumi lokal bullgar “Haskovo”, nga ky aksident ka mbetur i vdekur shoferi, ndersa katër pasagjerët kanë shpëtuar.
Njëri prej tyre është lënduar rëndë dhe është dërguar në Repartin e Neurokirurgjisë në Spitalin Haskovo, kurse tre të tjerët janë ekzaminuar dhe janë lanë për trajtim në shtëpi.
Aksidenti ndodhi në orën 4 të mëngjesit, saktësoi Ministria e Brendshme. Minibusi me pasagjerët nga Kosova u rrotullua dhe arsyet ende nuk dihen.
