Siç e ka treguar gjithmonë, babai është pika e dobët e këngëtares Morena Taraku.
Duke qenë se e ka humbur nënën në moshë shumë të vogël, i ati ka qenë edhe nënë, edhe baba për të.
Ndaj, Morena sigurohet që babait të mos i mungojë kurrë dashuria dhe kujdesi i saj, siç ai ka bërë shumë vite me të voglën e tij.
Sot, babai i Morenës feston ditëlindjen dhe në këtë ditë speciale, këngëtarja na ka emocionuar të gjithëve me fjalët për të atin.
Krahas fotove të shumta nga festat e ditëlindjeve të mëparshme, ajo i shkruan urimin më të veçantë që mund t’i bëhet një prindi.
“TI JE BABA, NANA E GJYSHI MA I MIRE QE JETA NA KA FAL NEVE…
TI JE SHPIRTI MA I BARDHE QE MBAN TOKA… URIME DITELINDJEN DHE MOS E NDALO ZEMREN KURRE SE RREHURI SEPSE THJESHT JETA IME PA TY NUK KA ASNJE LLOJ KUPTIMI… #BESTDAD ❤️”- janë fjalët e Morenës krahas postimit.
Më herët këngëtarja tregoi se karantina e kishte gjetur larg familjarëve, pasi është izoluar e vetme në Turqi dhe po lutet çdo ditë që të mund të takojë sërish të dashurit e saj.
