Për ju që nuk e dinit akoma, dy nga aktorët e serialit tashmë më të shikuar në botë “La casa de papel”, Jaime Lorente (Denver) dhe Maria Pedraza (Alison Parker) janë në një lidhje në jetën reale.
“La Casa De Papel”, ose “Money Heist” është një serial televiziv spanjoll që u publikua për herë të parë në vitin 2017 dhe u ble më vonë nga Netflix. Që atëherë është bërë një serial i preferuar në të gjithë botën dhe mësohet se ai është ndjekur në 65 milionë llogari të anëtarëve të Netflix në katër javët e fundit.
Jaime, 28, dhe Maria, 24 vjeç, janë lidhur që nga viti 2018 dhe luajnë bashkë edhe në një serial tjetër hit të Netflix, “Elite”, i cili flet për jetën e studentëve në një shkollë të mesme elitare.
Së fundi janë publikuar disa foto të reja të çiftit, të cilat janë realizuar në fillim të këtij muaji. Jaime dhe Maria janë parë në ballkonin e banesës së tyre ndërsa brohorisnin për punonjësit e kujdesit shëndetësor në Madrid, Spanjë.
