Pas grushtit të shtetit të dështuar në Rusi, Bjellorusia “rekruton” Wagner, hapen kampe për ushtarët

Një burim i faqes së internetit Verstka, i cili ka akses tek autoritetet e rajonit Mogilevskaya të Bjellorusisë, konfirmoi se autoritetet u urdhëruan të ndërtonin një kamp për luftëtarët Wagner në zonë.

Përveç burimit në fjalë, transferimin e mercenarëve të Wagnerit në Bjellorusi e konfirmojnë edhe të afërm të mercenarëve, sipas gazetarëve të faqes.

Në Bjellorusi ata filluan të krijojnë kampe për të vendosur mercenarët e organizatës private ushtarake Wagner. Sipas faqes së internetit Verstka, njëri prej tyre ndodhet afër qytetit të Osipovich, rajoni Mogilevskaya dhe mund të strehojë tetë mijë luftëtarë. Kampi në fjalë ndodhet 200 kilometra nga kufiri me Ukrainën dhe do të zërë një sipërfaqe prej 24 mijë kilometrash katrorë.

Sipas një burimi anonim, do të krijohen disa kampe të tilla, por nuk përmendet një numër i saktë.

Në të njëjtën kohë, pikat e pritjes për mercenarët e rinj Wagner filluan të rihapen në Rusi. Agjencia ruse e lajmeve TASS raportoi se pika të ngjashme pritjeje u hapën sot në Novosibirsk dhe Tyumen. Posterat gjigantë të Wagnerit u vendosën përsëri në vendet e tyre.


Shtuar 26.06.2023 18:52