Zyrtare/ I burgosuri në burgun e Vaqarit u qëllua me snajper
Policia e Tiranës ka konfirmuar zyrtarisht se i burgosuri, Lili Dulaj 40 vjeç nga Prizreni është qëlluar me snajper nga një person i paidentifikuar nga jashtë ambienteve të burgut.

Bëhet me dije se ai u qëllua në momentin kur ka qenë në ambientet e ajrimit dhe është dërguar në spitalin ushtarak jashtë rrezikut për jetën.

Njoftimi i Policisë së Tiranës:

Njoftohemi nga Burgu i Vaqarrit se në ambjetet e ajrimit shtetasi Lili Dulaj, 40 vjeç, i cili është i paraburgosur në I.E.V.P. Vaqarr, dyshohet të jetë i plagosur me armë zjarri në këmbë nga një person i paidentifikuar në kohën kur ka qenë në ambjentet e ajrimit.

Forca të shumta policisë kanë mbërritur në institucionin e vuajtjes së dënimit, ndërkohë që po krehin zonën nga ku dyshohet të jetë qëlluar i paraburgosuri.

Shtetasi Lili Dulaj është transportuar në Spitalin Ushtarak ku ndodhet jashtë rrezikut për jetën.

Vijojnë hetimet për zbardhjen e plotë të rrethanave të ngjarjes dhe kapjen e autorit./Albeu.com/
Shtuar më 30/07/2016, ora 18:49

Shkruani komentin tuaj!
Të fundit nga kjo kategori