Zjarri në Gramsh, policia rrëfen se si u shpëtua 75-vjeçarja nga flakët
Ditën e djeshme në qytetin e Gramshit ka rënë një zjarr i cili shkrumboi plotësisht 6 banesa.

Ditën e sotme policia ka dhënë detaje për ngjarjen në fjalë.Ngjarja në fjalë ndodhi mbrëmjen e djeshme në lagjen “18 Gushti”.

Pasi u njoftuan për zjarrin, forca të shumta policore dhe zjarrfikësja mbërritën në pallat dhe bënë të mundur shuarjen e flakëve.

Burime zyrtare pohuan se u arrit të shpëtohej një 75-vjeçare, ndërsa nga zjarri u dogjën 6 banesa. Të njëjtat burime theksuan se shkak i zjarrit është bërë një sobë druri.

NJOFTIMI I POLICISË

Pas njoftimit të marrë se në Lagjen “18 Gushti” në një pallat në Gramsh kishte rënë zjarr. Menjëherë në vendngjarje mbërritën shërbimet e policisë që bënë evakuimin e banorëve dhe shërbimet e zjarrfikëses që punuan për shuarjen e zjarrit.

Shërbimet e policisë në kohë reale kanë bërë evakuimin e të moshuarës shtetases R.D, 75 vjeçe.

Si rezultat ka patur vetëm dëme materiale ku janë djegur 6 banesa. Shkak i rënies së zjarrit dyshohet të ketë qenë soba me dru e një banese. Grupi hetimor vijon punën për kryerjen e veprimeve hetimore dhe proceduriale./albeu.com/


Shtuar më 21/02/2017, ora 09:22

Shkruani komentin tuaj!
Të fundit nga kjo kategori