Kryeministri Sali Berisha në mbledhjen e Komitetit të Zhvillimit të Rajoneve, theksoi se qeveria e tij mbetet e vendosur për të çuar deri në fund premtimin për urbanizimin e zonave rurale. Sipas tij ky është një nga projektet më vendimtare për të bërë të mundur që pasuritë e shumta në mbarë komunat dhe territoret e Shqipërisë të mund të shndërrohen në vlera për qytetarët e vendit.

“Jemi mbledhur sot për të miratuar së bashku rreth 520 projekte të reja. Këto projekte do të shtrijnë në zonat rurale të vendit komunat, qarqet mbi 1200 km rrugë të reja. Investimi bën të mundur që qytetarët shqiptare nga çdo skaj ku jetojnë të mund të kapin Tiranën, duke kursyer 70% të kohës që shpezojnë sot.”- deklaroi Berisha.

Duke vlerësuar rëndësinë e projekteve të tjera, për ndërtimin e 125 ujësjellësave të rinj, investimet në shkolla dhe ndërtimin e Qendrave Shëndetësore i japin një frymëmarrje të re procesit të punësimit. /albeu.com/