Në përfundim të fazës së parë të kontrollit të dosjeve të pasurive të krerëve të institucioneve rezulton se në arkivin e Inspektoratit të Lartë të Deklarimit të Pasurive janë zhdukur 16 dosje.

Burime nga ky institucion pohojnë për “Shekullin”se mes dosjeve të zhdukura janë edhe ato të ish-kryeinspektorëve, Adriatik Lalla dhe Zana Xhuka, dy paraardhësit e kryeinspektorit, Shkëlqim Ganaj.

Në përfundim të këtij procesi janë sistemuar e kontrolluar nga e para rreth 16.000 deklarata pasurie, 30.000 fletë kontrolli aritmetik e logjik dhe 5500 dosje të kontrollit të plotë, nga viti 2004 deri më sot.Pas përfundimit të kësaj faze do të nisë dhe faza e dytë që ka të bëjë me kontrollin e dokumentacionit të dosjeve, proces ky që është edhe më delikat dhe që kërkon më shumë kohë.