Zgjedhjet në LSI, pjesëmarrja në votim 68%, fillon numërimi
Anëtarësia e Lëvizjes Socialiste për Integrim votoi këtë të shtunë për të zgjedhur kryetarin e ri ndërsa pak më parë përfundoi procesi i votimit.

Gjatë ditës së sotme është votuar në 159 qëndra votimi në shkallë vendi, votim ky që ka nisur në orën 8:00 të mëngjesit dhe ka përfunduar në 17:00, madje siç bëjnë të ditur drejtues të kësaj partie në disa qëndra ka filluar edhe numërimi i votave.

Gara u zhvillua mes kreut aktual Ilir Meta dhe Luan Ramës, që mban postin e sekretarit të Përgjithshëm.

Sekretari për çështjet ligjore në LSI, Ylli Manjani në një dalje për mediat njoftoi se në të gjithë vendin pjesëmarrja në votim është 68 %. /albeu.com/
Shtuar më 20/10/2012, ora 19:29

Shkruani komentin tuaj!
Të fundit nga kjo kategori