Zgjedhjet në Korçë, hapen qendrat e votimit
Pas një muaji fushate elektorale, Korça voton sot për kreun e ri të bashkisë, pas dorëhejqes së Niko Peleshit i cili u përfshi në kabinetin e qeverisë Rama,si zv/kryeministër.

71. 750 votues në qytetin e Korçës i janë drejtuar sot kutive të votimit, për të zgjedhur kryebashkiakun e ri të qytetit.

Në orën 07:00 të ditës së sotme u hapën 101 qendra votimi, ku kanë mundësinë të votojnë 71 mijë zgjedhës.

Partia Socialiste kandidon në këto zgjedhje me Sotiraq Filon, me profesion inxhinier elektrik i cili prej vitit 2007 mban postin e zv/ kryetarit në bashkinë e Korçës, ndërsa Partia Demokratike kandidon me Sotiraq Stratobërdhën, ish-deputet në legjislaturën e parë, me profesion jurist dhe aktualisht mban postin e kancelarit në prokurorinë e rrethit në qytetin juglindor. /albeu.com/
Shtuar më 03/11/2013, ora 10:16

Shkruani komentin tuaj!
Të fundit nga kjo kategori