Zbulohet skema e gardianes me të dashurin, ja si manipuloheshin të pasurit
Pëlqej
Një gardiane dhe i dashuri i saj kanë rënë në kurthin e policisë, pasi për muaj me radhë ata i vendosnin gjoba personave të pasur, në këmbim të një nate. Shantazhi i tyre funksiononte mësë miri, pasi në këmbim të një nate me të, kushtonte shumë. Ajo ruante të gjitha filmimet, teksa në grackën e saj gjithmonë binin njerëz me status, të cilët dispononin shumë të mëdha.

Në bashkëpunim me të dashurin e saj i cili ka punuar një vit më parë në Gardën e Republikës, thurnin të gjitha planet, dhe kur diçka nuk shkonte përdorej dhuna dhe armët. E gjithë historia lidhet me këtë gardiane burgu, e cila fuste në kurth njerëz që evidentoheshin më parë si të pasur.

Miku i saj me një të kaluar policore vinte gjoba me anë të shantazhit. Kjo skemë e cila ka funksionuar për muaj të tërë është zbuluar nga hetimi special i Prokurorisë së Krimeve të Rënda.

Ky është operacioni i arrestimit të ish-gardistit Ermal Mrruku, që ishte truri i kësaj skeme. 28-vjeçari është prangosur në derën e Prokurorisë së Tiranës, e cila kishte muaj që e hetonte, ndërsa autorja kryesore e shantazhit, Klodiana Driza është arrestuar në banesën e saj.

Në këmbim të një nate me gardianen, viktimat ndëshkoheshin me gjoba që shkonin nga 1 deri në 5 milionë lekë. Vajza që pas shërbimit në burgun e Vaqarrit, hiqte uniformen e policit, i filmonte ose fotografonte gjatë marrëdhënies viktimat dhe më pas i përdorte sëbashku më të dashurin Ermal Mrruku. Burime nga polcia shtojnë se në shumicën e rasteve, gjoba merrej vetëm me filmimet e siguruara, kurse në raste të tjera përdorej dhuna dhe armët e zjarrit. Të njëjtat burime shtojnë se Mrruku ka punuar deri në qershor të vitit 2013 në Gardën e Republikës. Ai është larguar nga kjo detyrë pasi akuzohej për një tjetër rast dhunimi dhe pengmarrjeje, që mendohet se është e lidhur me skemën që ka zbuluar Prokuroria e Krimeve të Rënda. /albeu.com/
Shtuar më 16/09/2014, ora 15:22
Shkruani komentin tuaj!
Të fundit nga kjo kategori