Zbulohet pedofili shqiptar i cili ngacmonte vajzat në Greqi
Personi në foton në fjalë është 46-vjeçari nga Shqipëria i cili është prangosur tre ditë më parë në Greqi, për ngacmim seksual të të miturve. Një ditë më parë ai doli para Gjykatës për masë sigurie, ndaj të cilit u vendos "arrest me burg".

Sipas policisë greke, kanë qenë të paktën 7 raste që 46-vjeçari ka ngacmuar vajza të mitura. Ai u arrestua në flagrancë teksa ngacmonte një vajzë tjetër, e cila kishte dalë të luante me qenin e saj.

“Jashtë dyqanit tim, një burrë iu afrua vajzës, e cila ishte duke luajtur me qenin tonë. E pyeti se çfarë race është qeni, por për fat të mirë e kam mësuar vajzën që të jetë e kujdesshme.

Më vonë erdhi policia dhe filluan ta merrnin në pyetje. Fillimisht mendova mos ishte adhurues i qenve, por më pas kuptova për çfarë bëhej fjalë”, thotë për gazetën ‘Protothema’ babai i njërës prej të miturave.

Vajzat e tjera nën prezencën e psikologut kanë dhënë dëshminë në Gjykatë për sjelljet dhe ngacmimet që u kishte bërë 46-vjeçari nga Shqipëria. /albeu.com/

Shtuar më 08/06/2016, ora 09:13
Shkruani komentin tuaj!
Të fundit nga kjo kategori